INNI // av Dei Infame
INNI handlar om Pål og Geir, to litt for gamle gutar som har gitt opp å kjempa mot forfallet. Dei har skitne liv og skitne tankar i eit skite husvære,
og det einaste dei hatar meir enn jul er seg sjølv.
Det er lett å vera optimist når ein er 25 år, men når alt det fine i livet høyrer fortida til, er det berre i minna at ein kan finna noko som gir meining. Når ein manglar alt, vil alle presangar berre bli ei påminning om at livet i alle høve er håplaust. Du gir ikkje bilsjampo til ein mann som ikkje har råd til bil. Skalla folk treng ikkje kam.
Jula er jo tida for mirakel. Kan hende har både Pål og Geir restar av ein draum dei går og ber på, men er me eigentleg tente med at draumane til skitne folk blir oppfylte?
Manus: Eigil Jansen
Skodespelarar: Eigil Jansen, Marko Kanic og Linda Tveiten
Scenografi: Luca Rossi
Lysdesign: Bjørnar Mæland
Ytre auge: Mari Strand Ferstad
Produsent & komponist: Jens Borge
Støtta av Stavanger Kommune, Rogaland Fylkeskommune, Lervig Aktiebryggeri og Tou!
Framsyninga passar dårleg for allergikarar, ein vil verta utsett for støv og røyk. Barn bør ikkje sjå framsyninga, med mindre dei allereie er traumatiserte utan von om betring.
Datoer:
10. desember
11. desember
12. desember
13. desember